എറണാകുളത്ത് നോറോ വൈറസ് സ്ഥിരീകരിച്ചു

എറണാകുളം:എറണാകുളത്ത് നോറോ വൈറസ് സ്ഥിരീകരിച്ച് ആരോഗ്യ വകുപ്പ്. കാക്കനാട്ടെ സ്കൂളിലെ വിദ്യാർഥികൾക്കാണ് രോഗബാധ സ്ഥിരീകരിച്ചത്. രണ്ട് വിദ്യാര്‍ഥികളുടെ സാമ്പിളുകളാണ് പരിശോധനയ്ക്ക് അയച്ചത്. ഇവർക്കുപുറമേ 67 കുട്ടികള്‍ക്ക് ലക്ഷണങ്ങളുണ്ട്. ആശങ്കപെടേണ്ട സാഹചര്യം ഇല്ലെന്ന് ആരോഗ്യവകുപ്പ് അറിയിച്ചു.
രോഗബാധ ഉള്ള കുട്ടികൾ വേഗത്തിൽ സുഖം പ്രാപിക്കുന്നുണ്ടെന്നും സ്കൂളിന് ആവശ്യമായ നിർദേശങ്ങൾ നൽകിയിട്ടുണ്ടെന്നും ആരോഗ്യവകുപ്പ് വ്യക്തമാക്കി. രോഗബാധ കൂടുതൽ കുട്ടികളിലേക്ക് പകരാതിരിക്കാൻ ക്ലാസുകൾ ഓൺലൈൻ ആക്കി. രോഗ ഉറവിടം സ്കൂള്‍ അല്ലെന്നും, വൈറസ് ബാധയുള്ള കുട്ടി സ്കൂളിൽ വന്നതാണ് മറ്റു കുട്ടികൾകളളിലേക്ക് രോഗം പകരാൻ കാരണമായതെന്നും ആരോഗ്യവകുപ്പ് വിശദീകരിച്ചു.