പത്തനംതിട്ട: ശബരിമലയിൽ അരവണ വിതരണം പുനരാരംഭിച്ചു. ഇന്നു പുലർച്ചെ മൂന്നരയോടെയാണ് ഏലക്ക ഇടാത്ത അരവണ വിതരണം ചെയ്തു തുടങ്ങിയത്. അരവണയിൽ ഉപയോഗിച്ച ഏലയ്ക്കയിൽ കീടനാശിനിയുടെ അംശം കണ്ടെത്തിയതോടെ ഇന്നലെ അരവണ വിതരണം നിർത്തിവയ്ക്കുകയായിരുന്നു. ത്ത്കാലികമായെങ്കിലും അരവണ വിതരണം നിർത്തിവച്ചത് ഭക്തരെ വലിയ തോതിൽ നിരാശരാക്കിയിരുന്നു.
ഈ സാഹചര്യം മുൻനിർത്തിയാണ് പുലർച്ചെ തന്നെ ഭക്തർക്ക് ഏലയ്ക്കയില്ലാത്ത അരവണ വിതരണം ചെയ്യാൻ തീരുമാനിച്ചത്. അതേസമയം ജൈവ ഏലയ്ക്ക കണ്ടെത്താനുള്ള ശ്രമങ്ങൾ ദേവസ്വം ബോര്‍ഡ് ആരംഭിച്ചുകഴിഞ്ഞു.
